‘कोरोना’ले सर्वसाधारणमा ‘आतंक’, नआत्तिन चिकित्सकको सुझाव

news
सुशीला बस्नेत र विनोद बजगाइँ (इमेज)
 विश्वका ६४ देशमा फैलिइसकेको ‘कोरोनाभाइरस’को त्रास नेपालमा पनि बढेको छ ।
विश्व स्वास्थ्य संगठनले नेपाललाई उच्च जोखिममा राखेपछि त सर्वसाधारणमा एकखालको आतंक छाएको छ ।
पछिल्लो समय सामान्य रुघाखोकी लागेकाहरुसमेत सहिद शुक्रराज ट्रपिकल तथा सरुवारोग अस्पताल पुग्नेक्रम बढ्दो छ ।
उनीहरुमा कोरोनाको संक्रमण नभइ मौसमी रुघाखोकी लागेको हुनसक्ने भन्दै चिकित्सकहरुले नआत्तिन सुझाव दिने गरेका छन् ।
अहिले विभिन्न देशबाट आएका ६ जनालाई अस्पतालको ‘आइसोलेसन’कक्षमा राखिएको छ । उनीहरुमा पनि कोरोना पुष्टि नभएको अस्पतालका निर्देशक डा. सागरकुमार राजभण्डारीले जानकारी दिए ।
डा. राजभण्डारीकाअनुसार कोरोना भाइरसको पुष्टि भएका बिरामी भेटिएमा अस्पतालले आवश्यक तयारी गरिरहेको छ । यसका लागि काठमाडौंकै वीर अस्पताल, टेकु अस्पताल र शुक्रराज ट्रपिकल तथा सरुवारोग अस्पतालमै पनि उपचारको व्यवस्था गरिएको उनले बताए ।
उपचारमा सघाउन थुप्रै संघ–संस्था पनि इच्छुक रहेको पनि उनले जानकारी दिए ।
त्यसो त पछिल्लो समय कोरोनाभाइरसका कारण जनस्तरमासमेत सचेतना पनि बढेको छ ।
कोरोनाभाइरस संक्रमणको शंकाले आत्तिनुभन्दा रुघाखोकी लागेमा घरमै बसेर आराम गर्ने, तातो झोलपदार्थ खाने, सामान्य रुघाखोकीको औषधि खाने र बाहिर जाँदा मास्क प्रयोग गरेमा निको हुने र जोखिमसमेत कम हुने चिकित्सकहरुको सुझाव छ ।
साभार....इमेज खबर बाट
Share on Google Plus

About Radio Holeri FM

The world can be heard simultaneously on Radio Holeri FM 1.2.5 MHz and online at www.news.radioholeri.com. This radio is located at Runtigadi-6 Holeri in Rolpa district. So far the first commercial radio is in favor of commercial radio in Rolpa district. Est. 2074 /06/. 500 watt radio is currently being heard in more than 18 districts of Holeri Bazaar, which is broadcasting from its own building through an uplink in Gadhilek, now at 273 Heights of Runtigadi.ic.