Type Here to Get Search Results !

कोरानाबारे संसदमा सार्वजनिक महत्वको प्रस्ताव, ‘कोरानाबाट नतर्सौ, सचेत बनौं’: सांसद गगन थापा

news
  नेपाली कांग्रेसका सांसद गगन थापाले कोरोनाभाइरस संक्रमणबाट नतर्सिकन सचेत रहन सबैमा आग्रह गरेका छन् ।
प्रतिनिधिसभामा शुक्रबार सार्वजनिक महत्वको प्रस्ताव गर्दै सांसद थापाले कोरोनाभाइरस संक्रमणबाट तर्सने होइन, सचेत हुनुपर्नेमा जोड दिएका हुन् ।
प्रमुख प्रतिपक्षी दलका सांसद थापाले सरकारले उपप्रधानमन्त्रीस्तरमा बनाएको समिति र अरु प्रयाससमेतलाई अनुगमन र निगरानी गर्न संसदीय समिति बनाउन माग पनि गरे ।
बैठकमा प्रस्ताव पेश गर्दै थापाले भने, ‘कोरोनाभाइरसबाट सचेत रहने हो तर्सने होइन । हामीलाई तयारीका लागि अहिले गोल्डेन पिरियड छ । हाम्रोजस्तो तयारीका लागि समय अरू देशले पाएन । सुझबुझपूर्ण तयारी गरौं । सरकारले जे जति काम गरेको छ, म प्रशंसा गर्छु, । छरपस्ट होइन एकजुट भएर तयारीमा जुटौं ।’
कोरोनाभाइरस संक्रमणबाट जोगिन कार्ययोजना बनाउन प्रस्ताव गर्दै थापाले यसको जिम्मेवारी संघको मात्र नभएको, त्यसका लागि प्रदेश र स्थानीय सरकारसमेतले मिलेर एकीकृत प्रयास गर्नुपर्ने बताए ।
टेकुस्थित शुक्रराज ट्रफिकल अस्पतालबाट बिरामी भाग्नुपर्ने आवस्था आउनु दुःखद भन्दै थापाले आइसोलेसन बेड राम्रो बनाउन सुझाए । खाली होटल, विद्यालयलगायतलाई आइसोलेसन बनाउन सकिने भन्दै उनले त्यसको तयारीमा लाग्न सरकारलाई सुझाव दिए ।
साभार..इमेज खबर बाट