Type Here to Get Search Results !

रुडास नेपाल गोल दोस्रो परियोजनाद्धारा रुन्टीगढी गाँउपालिकालाई स्वास्थ्य सामाग्री हस्तान्तरण

होलेरी, रोल्पा
असार ७ गते
अष्टेलीयन एड को आर्थीक सहयोग आड्रा नेपाल, रुपान्तरण र ग्रामीण विकास तथा चेतना समाज (रुडास) नेपालको साझेदारीमा सञ्चालित कृषि तथा तथा जीविकोपार्जन प्रबर्धन (गोल दोश्रो) परियोजना बाट रुन्टीगढी गाँउपालिकालाई १ लाख १० हजार रुपैयाँ बराबरको स्वास्थ्य सामाग्री हस्तान्तरण गरेको छ ।
कोभिड १९ कोरोना भाइरस को कारण हुने जोखिम लाई मध्यनजर गर्दै स्थानिय सरकार रुन्टीगढी गाँउपालिकालाई स्वास्थ्य सामाग्री हस्तान्तरण गरिएको रुडास नेपाल रोल्पा का कार्यकारी निर्देशक शोभाराम डाँगी ले बताउनु भएको छ ।
लकडाउन को सुरुवात को समयमा यस रुन्टीगढी गाँउपालिकालाई   पनि करिव ६०,००० रुपैयाँ बराबर को सामाग्री हस्तान्तरण गरेकाे यस परियोजनाले  आज १ लाख १० हजार रुपैयाँ बराबरको स्वास्थ्य सामाग्री हस्तान्तरण गरेको हो । परियोजनाले ४० लिटर सेनिटाईजर, ह्याण्डवास ६६ पिस,मास्क ७ सय पिस, पीपीई १५ सेट, साबुन २ गत्तासहितका सामाग्री हस्तान्तरण गरेको गाँउपालिकाले जनाएको छ ।
रुडास नेपाल का रोल्पा जिल्ला का अध्यक्ष विनोद रिजाल ले उक्त स्वास्थ्य सामाग्री हस्तान्तरण गर्नुभएको हो ।
स्वास्थ्य सामाग्री हस्तान्तरण कार्यक्रममा बोल्दै रुन्टीगढी गाँउपालिकाका अध्यक्ष बालाराम बुढाले गोल दोस्रो परियोजनाले हस्तान्तरण गरेको स्वास्थ्य सामाग्रीले यस क्षेत्रमा कोरोना रोकथाम तथा नियन्त्रणमा सहयोग पुग्ने भन्दै धन्यवाद व्यक्त गर्नुभएको थियो ।
स्वास्थ्य सामाग्री हस्तान्तरण कार्यक्रम को सहजीकरण रुडास नेपाल गोल दोश्रो परियोजना का रुन्टीगढी गाउँपालिका का संयोजक बासुदेव पोख्रेल ले गर्नुभएको थियो ।











Tags