Type Here to Get Search Results !

रोल्पाको रुन्टीगढीमा फुसको छानो हटाउने अभियान जारी

मनोज पुन, मंसिर ३० रोल्पाको रुन्टीगढी गाउँपालिकामा गाउँपालिका अन्र्तगतका ९ वटै वडाहरुमा जस्तापाता वितरण कार्य जारी रहेको छ । रुन्टीगढी गाउँपालिकाका ९ वटै वडाहरुमा गरिव तथा विपन्न परिवारहरुलाई जस्तापाता वितरण कार्य जारी रहेको हो। जस्तापाता वितरण कार्यक्रमको उद्घाटन सत्रमा वोल्दै रुन्टीगढी गाउँपालिकाका अध्यक्ष बालाराम बुढाले प्रदेश सरकार र स्थानिय सरकारको समपुरक योजना, सुरक्षित आवास कार्यक्रम अन्र्तगत यस्तो कार्य गरिएको र यसले वर्षातको समयमा पानी चुइने समस्यालाई केहि हद सम्म स्थानिय गरिव तथा विपन्न नागरिकहरुलाई मलमपत्तीको काम गरिएको बताउनु भएको छ । यो समचार संकलनको समयसम्म गाउँपालिकाका ६ वटा वडाहरुमा लक्षित वर्गहरुलाई जस्तापाता वितरण गरिसकेको र अव रुन्टीगढीगाउँपालिका २,३ र ४ नं.वडाहरुमा मा ६३ घरधुरी लाई वितरण गर्न वाकी रहेको जानकारी प्राप्त भएको छ । सुरक्षित आवास कार्यक्रम अन्र्तगत १ घरधुरी लाई ३० जस्ता पाता र ४ धुरीपाता गरी ३४ वटा टिन वितरण गरिएको वताइएको छ। जस्तापाता वितरण कार्यक्रमको सभाध्यक्षमा रुन्टीगढी गाँपालिकाका अध्यक्ष बालाराम बुढा रहनुभएको थियो भने अतिथीहरुमा रुन्टीगढी गाउँपालिकाका सामाजिक विकास संयोजक तथा ५ नं. का वडअध्यक्ष याम वहादुर दशौदी, ७ नं. का वडाअध्यक्ष जंग वहादुर घर्ती,वडा सदस्यहरु, विषयगत शाखाका शाखा प्रमुखहरु लगायतका रहनुभएको थियो,कार्यक्रमको सहजीकरण गाउँपालिकाका कम्प्युटर अपरेटर भागवत घिमिरेले गर्नुभएको थियो।