रुन्टीगढी गाउँपालिकाको नवौ गाउँसभा सम्पन्न

असार ११ होलेरी रोल्पा रुन्टीगढी गाउँपालिकाको नवौ गाउँसभा सम्पन्न भएको छ । रुन्टीगढी गाउँपालिकाको आव २०७८÷०७९ को नीति कार्यक्रम तथा वजेट सम्बन्धी नबौ गाउँसभा बिहिबार होलेरी रोल्पामा एक कार्यक्रमको बीच सम्पन्न भएको हो । रुन्टीगढी गाउँपालिकाका अध्यक्ष बालाराम बुढाले “कृषि पर्यटन र पूर्वाधार, रुन्टीगढी समृद्धिको आधार” भन्ने मुल नारालाई अगाडि सार्र्दै नीति तथा कार्यक्रम नबौ सभामा प्रस्तुत गरेका छन् । अध्यक्ष बुढाले आव २०७८÷०७९ का लागि कृषि, पर्यटन र पूर्वाधार लगाएतका कार्यक्रमसँगै शिक्षा, स्वास्थ्य र रोजगारीको विकासलाई मुख्य आधारमा नीति तथा कार्यक्रम सभामा प्रस्तुत गरेका हुन् । कृषिमा पालिकालाई आत्मनिर्भर बनाउनका लागि कृषकलाई कृषि अनुदान, सस्तोमा ऋण, कृषिमा उत्पादन तथा बालीमा विमा, किसानलाई प्राविधिक सेवा, पालिकाभित्र भएका बाँझो जग्गालाई खनजोगरी उत्पादन र उत्पादकत्वमा जोड्ने, पर्यटन क्षेत्रलाई संरक्षण, व्यवस्थापन र सम्बद्र्धन गर्ने, कला, सस्कार, संस्कृतिलाई संरक्षण , व्यवस्थापनसँगै प्रवद्र्धनका लागि मेला महोत्सवमा प्रस्तुत गर्ने, एक वडा एक उत्पादनमा जोड, शिक्षा, स्वास्थ्यमा, खानेपानी, सडकपूर्वाधार, विजुली, संचार, सामाजिक सुरक्षा भत्ता, वन संरक्षण तथा व्यवस्थापन, लगाएतका थुप्रै विकास तथा लक्षित वर्ग, आयआर्जनमूलक कार्यक्रमहरु नीतिमा समावेश भएका छन् । त्यसैगरी सभामा पालिकाका उपाध्यक्ष छमाया पुनले आर्थिक वर्ष २०७८÷०७९ का लागि ५७ करोड ९० लाख बजेट प्रस्तुत गरेकी छन् । जसमा विनियोजित बजेटको चालुतर्फ प्रशासनिक तथा चालु खर्चमा १२ करोड ५७ लाख २७ हजार ८ सय ५६ , सामाजिक सुरक्षा भत्तामा ६ करोड ७५ लाखलगताए गरी कुल ५७ करोड ९० लाखको व्यय सभामा प्रस्तुत गरिएको हो ।
Share on Google Plus

About Radio Holeri FM

The world can be heard simultaneously on Radio Holeri FM 1.2.5 MHz and online at www.news.radioholeri.com. This radio is located at Runtigadi-6 Holeri in Rolpa district. So far the first commercial radio is in favor of commercial radio in Rolpa district. Est. 2074 /06/. 500 watt radio is currently being heard in more than 18 districts of Holeri Bazaar, which is broadcasting from its own building through an uplink in Gadhilek, now at 273 Heights of Runtigadi.ic.